Featured

Твојата храна, твое здравје

​”Твојата храна, твое здравје” или скратено ТХТЗ, e програма базирана на нашите искуства и научните истражувања на американскиот биохемичар д-р Бери Сирс. Ќе Ви овозможи подобрување на здравјето, заштита од хронични заболувања и подобрување на квалитетот на животот. Губењето на вишокот килограми и наталожените масти е загарантирано.

ТХТЗ не е диета – нема да гладувате! ТХТЗ не е фитнес план – нема напорни тренинзи! 

ТХТЗ програмата е фокусирана на Вашиот животен стил, што значи и Вашиот начин на исхрана, и физичките активности, и спиењето, и стресот, и се’ останато што има влијание.

ТХТЗ не е диета, но во исхраната се прават најчестите грешки и затоа го претставува најголемиот дел од програмата! Еве само неколку работи зошто е така:

  • Пред повеќе од 2000 години, Хипократ рекол: „Нека храната биде вашиот лек, а лекот вашата храна.“  Од тогаш до сега ништо не е променето во човекот, имаме потреба од истата храна, од истите продукти, но за жал, денешниот свет е многу поразличен од тој во кој живеел Хипократ. Еве, за потсетување и на една народна – „Вие сте она што го јадете“. Застанете надвор од продавниците за бели печива, сендвичарите и рестораните за брза храна и ќе се уверите…
  • Додека не’ учат за важноста на читање на етикетите на продуктите за да ја провериме составот и количината на протеини, јаглени хидрати и масти, сепак, најлесниот начин да се јаде здраво е да се држиме до храната на која воопшто не и требаат такви етикети – кога сте виделе етикета со состојки залепен на свежо јаболко, пиперка или модар патлиџан? Замената на фабрички процесираните продукти од исхраната со свежите природни и целовити артикли, е неопходност ако го цените Вашето здравје и Вашето тело. 
  • Храната го диктира Вашето расположение, нивото на вашата енергија, варењето, кожата, ноктите, косата и телото. Со дисциплина за тоа кои продукти, и кога, влегуваат во Вашата уста, значително ќе го подобрите Вашето здравје и Вашето тело ќе функционира подобро.
  • Ако сакате трајно да ги искористите наградите од дисциплината во исхраната, ќе мора да направите радикална промена во начинот на кој ја гледате храната. Храната е далеку поважна од само нешто што јадете за задоволство или да Ви ја смири гладта. Наместо тоа, тоа е моќен лек што го земате барем три пати на ден до крајот на животот. Откако храната е разложена во дигестивниот систем во нејзините основни компоненти (гликоза, аминокиселини и масни киселини) и се испраќа во крвотокот, таа има посилно влијание врз Вашето тело и здравје од кој било лек што некогаш може да го препише Вашиот лекар!
  • Мора да разберете дека секој оброк што го консумирате претставува многу силен лек, кој може да има добар, лош или неутрален ефект врз Вашето тело во следните четири до шест часа. Кога лекарот ви препишува апчиња, тој не ви кажува да ги испиете сите апчиња првиот ден – тоа ќе го преоптовари Вашиот систем, па дури и може да Ве убие. Наместо тоа, лекарот сака да одржите умерено, но релативно константно ниво на лекарството во крвотокот во текот на лечењето.
  • Секој лек има терапевтско дејство. Премногу од лекот во крвотокот може да доведе до токсична реакција, премалку може да го направи лекот неефикасен. За лекот да дејствува, треба да го одржите вистинското ниво во крвотокот. Значи, не е само лекот што ја лечи Вашата состојба и го обновува Вашето здравје, туку е и конзистентноста и умереноста на дозата, односно, одржувањето на потребната концентрација во крвотокот. Истото важи и за храната. Клучот е да се одржи постојан здрав баланс на хранливите материи и хормоните кои ги тие активираат, во подолг можен временски период. Секој оброк и секоја ужина што ја конзумирате треба да ја имаат посакуваната рамнотежа на макронутриенти (протеини, јаглени хидрати и масти) што создава соодветен и поволен одговор на хормоните, особено во однос на глукагонот, инсулинот и еикосаноидите.

Ова се само дел од принципите врз кои ќе го поставиме Вашиот План со потребните промени за постигнување на Вашите цели.

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Маслиново масло – до кога ќе трае занесот?

Кога ќе се спомне маслиновото масло, веднаш добиваме асоцијација на нешто без кое не можеме да си ја замислиме нашата исхрана (или диета, за тие што се мачат), секој оброк (!), нешто “волшебно” што му “помага” на нашето здравје, срце, крвни садови и што уште не. Овие асоцијации ни’ доаѓаат поради разните информации пласирани по медиумите, ништо друго, освен уште една кампања на прехрамбената индустрија, се’ со цел да си го остваруват предвидениот профит (не ги интересира нашето здравје!). Секако, се прескокнува делот за тоа дали ни’ е потребно и кои масти вистински му се потребни на човечкиот организам. Ама сите се веќе во лов по “екстра вирџин олив оил”.

Докажано е дека мононезаситените масти се поздрави од заситените и транс мастите, а со тоа и хранливите продукти што се богати со мононезаситени масти, како на пр. маслиновото масло, се попожелни во нашата исхрана отколку продуктите со заситени и транс масти. Но ако е нешто поздраво, не значи дека тоа е добро за нас и дека треба да се глорифицира!

Маслиновото масло (во текстов е “опеано” ладно цеденото маслиново масло), покрај мононезаситените масти, содржи и заситени масти (во зависност од маслото, околу 14%). Значи, во борба со пилешкото месо, маслиновото масло ќе биде победник на “Избор на заситени масти во исхраната”.

Многу често (скоро секогаш), маслиновото масло се поврзува со медитеранскиот начин на исхрана (или ако сакате, медитеранска диета) и обично следува приказната дека научниците утврдиле дека луѓето што живеат на Медитеранот (особено на островот Крит), немаат срцеви заболувања (или имаат многу малку) и проблеми со телесната маса. И тука нема ништо спорно, поготово ако се гледаат педесеттите или шеесеттите години на минатиот век, и ако се додаде дека покрај маслиновото масло користелие целовита природна храна, овошје, зеленчук, леб од целовито зрно, грав, риба, разни зачини, дека биле многу физички активни и тоа претежно како работа по нивите (што претставува тешка физичка работа). А пиеле и вино 😉

Од денешна гледна точка, кога физичката активност е значително намалена, кога туризмот е главната гранка а не одењето позади воловите и плуговите, луѓето од Крит (и Медитеранот) сеуште консумираат голема количина на маслиново масло, но употребата на целовитите природни продукти во исхраната и физичката активност се значително намалени. И така, не е чудо, што на денешен Крит имаме ситуација со драматичен пораст на бројот од возрасната популација со прекумерна телесна маса (1), но за жал, сличен е трендот и кај дечињата. 

Маслиновото масло се поврзува и со полифенолите како докажани антиоксиданти. Различни маслинови масла, од маслинки од различни региони, имаат различна содржина на полифеноли. Имајќи во предвид дека маслата се висококалорични (па така и маслиновото) и претставуваат концентрирана храна (изолирани се само делови од плодот, нешто слично како и при продукцијата на белото брашно), излегува дека целовитото овошје и зеленчук, како природна и целовита храна, се далеку подобар избор за внес на полифеноли (при што ќе добиете и други нутриенти, како влакна, витамини, минерали…).

Ако е нешто поздраво, не значи дека е добро за вас. Ако маслиновото е поздраво од заситените масти од животинските продукти, не значи дека треба да се претерува со неговата употреба и да се употребува во неограничени количини, поготово не за да ви го намали “лошиот холестерол” или да ве “спаси од срцеви заболувања”. 

Употребата на целовита храна, во добро избалансирана исхрана, е секогаш подобар избор отколку концентрираната и процесираната, само така ќе си го спасите и очувате вашето здравје. Па еве, следниот пат, изедете некоја маслинка и спасете некоја лажичка од вашето екстра вирџин (и екстра скапо) олив оил 😉  

1. Vardavas CI, Linardakis MK, Hatzis CM, Saris WH, Kafatos AG. Prevalence of obesity and physical inactivity among farmers from Crete (Greece), four decades after the Seven Countries Study. Nutr Metab Cardiovasc Dis. 2009;19(3):156-162. doi:10.1016/j.numecd.2008.10.008

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Брзо слабеење – теорија

Некои од нас сакат да ослабнат, некои сакат да се поправат, а некои, да останат како што се. Од тие причини овие три работи во текстов ќе бидат обединети во еден термин – регулација на телесната маса.

Во процесот на регулацијата на телесната маса се вклучени голем број на различни механизми и центри во организмот, кои ни до денес не се во потполност проучени. 

Релацијата помеѓу апетитот (како основен иницијатор на земањето храна) и реалните енергетски потреби на еден човек, се многу комплексни. Суштинските случувања се одвиваат на релацијата центар за глад – центар за ситост кои се лоцирани во хипоталамусот, кои пак преку систем на повратни врски комуницираат со периферијата. 

Најбитните информации од периферијата доаѓаат од сетилата за вкус и мирис, присутноста на храната во желудникот, како и концентрацијата на гликозата (и некои други супстанци) во крвта. 

Во овие сложени процеси значајно место завземаат и метаболизмот на внесената храна и поттикнатата активност на многу различни хормони.

И покрај сите наведени фактори, прифатено е мислењето дека степенот на кој се одржува рамнотежата помеѓу енергетската потрошувачка и внесување во организмот, е најодговорен за регулацијата на телесната маса.

Телесната композиција е составена од бројни елементи кои можеме да ги групираме во две групи: масна и безмасна. Во масната влегуваат потребното и вишокот (непотребното) масно ткиво, додека во безмасната влегуваат мускулите, коските и внатрешните органи.

Овие бројни составни делови го комплицираат предвидувањето околу изгубената количина на телесната маса при примена на редукциски диети (експертите со долгогодишно искуство можат да утврдат приближни вредности).

Слабеењето може да биде последица на намалувањето на телесните масти, содржината на водата во организмот или мускулната маса.  Секако, пожелен е процесот на слабеење со кој ќе се изгубат вишокот акумулирани масти во телото.

“Брзото слабеење” е вистина возможно во одредена рамка, а некои диети и експерти го искористуваат ова и во промотивни цели. Имено, како што билките си чуваат енергетски резерви во облик на скроб, така ние си чуваме во облик на гликоген, и тоа во просек околу 500 гр (кај истренирани спортисти може да отиде и до 900 гр). Со складирањето на 1 гр гликоген се врзуваат и 3 гр вода. Воколку со диетата се воведе рестрикција на јаглените хидрати, и на пр. потрошиме 400 гр од гликогенот во нашето тело, автоматски, со ослободудва и водата што ја врзува, а во овој пример тоа се 1200 гр, при што добиваме телесна маса пониска за 1600 гр, односно, 1.6 кг.

Логично, кога ќе се потроши целиот гликоген, значително ќе забави и намалувањето на телесната маса. Така се случува рапидното намалување на телесната маса во првите неколку дена од почетокот на рестриктивните диети. Секако, веќе знаете зошто диетите не успеваат, и нормално е со укинувањето на рестрикциите на јаглените хидрати да очекувате да се вратат гликогенските резерви на потребното ниво, а со тоа и изгубената телесна маса (надополнета со некој екстра грам или килограм).

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Токсините “не’ тепаат у поим”

Секојдневно сме изложени на мали (и големи) количини токсични материи во нашата животна средина, иако, ова кај нас станува тема само во зимскиот период, со започнувањето на грејната сезона (претежно аерозагадувањето). Не е никаква тајна (освен за властите) дека ова штетно влијае на нашето здравје, поготово во добивањето и развојот на хроничните заболувања и на нашата телесна тежина, односно дебелината. 

Загрижувачки е фактот дека веќе со години се раѓаме токсични – кај просечното новороденче е утврдено присуство на голем број различни токсини! Оттука само станува полошо, последиците предизвикуваат континуирано нарушување на нашето здравје.

Токсините дебелеат!

Токсичноста се манифестира на начини за кои не сме секогаш свесни. Во едно научно истражување, глувци биле изложени на токсични хемикалии преку исхраната. Резултатите биле многу интересни: добиле екстра килограми и го зголемиле масното ткиво без зголемен внес на калории или намалено вежбање, или, за шест месеци, овие глувци биле потешки за 20% и имале 36% повеќе телесни масти од глувците кои не биле изложени на тие хемикалии.

Значи, ако неуспешно се борите со вишкот килограми (а правите се’ како што треба), веројатно сте токсични, односно можете да добиете тежина без да јадете повеќе калории или да вежбате помалку. Токсините го зголемуваат вашиот апетит и ги “збркуваат” сигналите на мозокот кои го контролираат гладот, го забавуваат вашиот метаболизам и придонесуваат за зголемување на телесната тежина и дијабетес.

Целата приказна би почнала со нешто како пред-дијабетес состојба, со континуитет на здравствени проблеми, почнувајќи од слабо изразена инсулинска резистенција и прекумерна телесна тежина која води до значителна дебелина и дијабетес. Дијабетесот е веќе потврден како најголема глобална здравствена епидемија на нашето време, која значително придонесува во развојот на срцеви заболувања, деменција,  канцерогени заболувања и прерана смрт.

Животната средина и дијабетесот

Потврдени се бројни фактори кои влијаат на дијабетесот, вклучувајќи ги тука пред се’ неправилната исхрана богата со јаглени хидрати од процесирана храна, физичката неактивност, недоволно спиење и стрес во континуитет. 

Но, се заборава или се потценува влијанието на животната средина, иако докажано, прави огромна штета на човековото здравје во секој поглед. На крајот, се’ се сведува на следново: ако сме токсични, тоа не’ прави да бидеме болни и дебели. Не смееме повеќе да ги игнорираме токсините на кои сме секојдневно изложени!

Непотребно изложување на токсини

Ставот дека сите токсини доаѓаат од животната средина и дека “некој” намерно не’ труе (прска од авиони и сл.) и не е баш 100% прифатлив, од прости причини што и самите се изложуваме непотребно на токсини. Да не звучи како клише (иако е секогаш убаво да си прочитате) за состојките на храната што ја јадете (поготово ако е процесирана), еве нека биде овој пат да си прочитате што содржи вашиот омилен дезодоранс што го користите секој ден, прочитајте и со какви  средства ја одржувате хигиената во вашиот дом, прочитајте си и за лековите што ги пиете (поготово тие за смирување, болка, холестерол…).  

Ако повеќето од напишаните состојки не ги разбравте, не се секирајте, затоа се и напишани така.

Ако почнеме да ги “разглабаме” сега сите адитиви и останати хемиски чуда што се користат во прехрамбената и другите индустрии, тешко дека текстов ќе заврши некогаш. Но тука ќе спомнам една работа што мене ме плаши, што и покрај сите закони околу транспарентното обележување на состојките на амбалажата на продуктите, дозволено е производителите да не ги наведуваат сите состојки, како на пр. во козметичката индустрија, при изработка на парфеми (во едно истражување од 2010 година, утврден е просек од 14 скриени состојки во парфемите меѓу кои и такви што штетно влијаат на хормонскиот систем).

Има решение, детоксикација

Среќата во целата токсична ситуација е тоа што нашиот организам тежнее кон чистота и здравје. Ние треба да му помогнеме во тоа. Сте прочитале, сте слушнале за бројни детокс-програми (не сум сигурен што има повеќе во “оптек” по мреживе, дали диети или детокс програми), но пред да се прашате која е најдобрата и која да си ја изберете, мало потсетување.

Токсините се таложеле во вашето тело со месеци (години), што значи како одговор на долгата токсикација, би требало да дозволите и доволно време за детоксикација (тешко дека “експрес” детоксикација од неколку дена би била реална). 

Во нас си носиме разни токсини, (опасни, помалку опасни, растворливи во масти, растворливи во вода…) и нашето тело има различни механизми за ослободување од истите. Главната одбрана на нашиот организам од метаболичко труење ја води црниот дроб, спроведувајќи бројни операции кои имаат за цел претварање на токсините во облик кој лесно може да се исфрли преку урината.

Значи, со изборот на детоксикацијата не смеете да внесувате дополнителни токсини и да го оптоварувате системот, а од друга страна да барате олеснување од токсичниот товар што си го носите!

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Зошто диетите не успеваат?

Денес бараме од луѓето да донесат одлуки за кои никогаш не сме еволуирале за да ги направиме, никогаш не било поставено пред нас да намалиме од телесната тежина. 

Под зборот “диета” во овој текст, мислам пред се’ на некој што е на “диета”, некој што радикално го сменил тоа што обично го јаде, редуцирал продукти и по квалитет и по квантитет и што е опседнат со броење калории, само за брзо да намали килограми и да си ги врати назад кога ќе му заврши диетата (под услов да стигне до крајот).

Гладот ​​е еден од најголемите двигатели на човечкиот опстанок

Нашите тела имаат разни видови на механизми за да не спречат од диети или кога ќе започнете со диета станувате мрзоволни, расположението паѓа, нивото на кортизол се покачува, нагоните за храна се зголемуваат, способноста и желбата за физичка активност се намалуваат… Вака нашиот организам реагира на гладот.

Верувам дека никој од нас нема проблем да разбере дека немаме реална контрола над дишењето, ако ве праша некој да престанете да дишите пет минути и ќе добиете ферари (со боја по избор), сигурно дека би посакале да можете, но едноставно не можете. Е сега контролата на јадењето и пиењето не е баш на нивото на дишењето ама гладот ​​е еден од најголемите двигатели на човечкиот опстанок.

Тоа не значи дека ние немаме волја, напротив, секој од нас ја има и е вградена во нашиот биолошки код!

Сите се мачат со диетите

Човекот со прекумерна телесна тежина кој оди на диета, се мачи исто толку, колку и мршавата личност што оди на диета, нема разлика, истиот одговор на глад, истите длабоки адаптации се применуваат. И кога обвинуваме некој дека е дебел и дека тоа е поради недостаток на волја, тоа е исто како да го обвинуваме затоа што е човек.

Оттука е понекогаш тешко да се разбере зошто луѓето се толку вознемирени кога ќе видат некој со неколку килограми екстра масно ткиво на него, па тој човек со ништо не влијае на нивните животи. Едноставно не’ тера да го гледаме и сфатиме како медицински проблем (нели, тука сме сите доктори и ескперти).

Постои мислење дека се што треба да се направи за да ослабнеме е намалувањето на калориите. Намалувањето на храната и губењето на вишокот телесни масти не одат баш заедно. Биохемиските сигнали кои ги генерираат јаглените хидрати, протеините и мастите ако не се во одреден однос, не можат да поттикнат потрошувачка на акумулираниот вишок масти во нашето тело. Во најдобриот случај со ваквиот пристап, брзо ќе го постигнете лимитот на ослабнување по што губењето на телесната тежина повеќе не е возможно.

Разлика помеѓу губење масти и телесна тежина

Спомнав, губење на вишок акумулирани масти и губење на телесна тежина. Тука постои голема разлика, и многу е битно да ги разграничиме двете работи. Со адекватните промени во начинот на исхрана (и животниот стил), целиме кон ослободувањето од вишокот акумулирани масти во телото, затоа што постигнувањето на идеалната телесна тежина не е само губење килограми. Во телесната тежина, покрај масното ткиво, влегуваат и водата (течностите) во организмот, мускулите, коските, тетивите, лигаментите итн.

Рестриктивните диети, било да се работи за рестрикција на калории или рестрикција на некој од главните макронутриенти или продукти, обично не успеваат. Едноставно луѓето се изморуваат од постојаното гладување и ги прекинуваат диетите при што ги враќаат изгубените килограми и тоа скоро секогаш како вишок масти. Од психичка гледна точка се чувствуваат лошо затоа што немале доволно волја, дисциплина или мотивација.

Постои вистински начин

Успешниот пристап би се движел кон тоа ШТО јадете а не КОЛКУ јадете. Добро структурираните оброци и вистинскиот избор на продукти ќе ви овозможат да јадете доволно за да се чувствувате сити и да го изгубите вишокот масти од вашето тело, притоа не замарајќи се со броење калории. 

ТХТЗ програмата што ја развивме за вас, за само едно кафе на ден, ви нуди индивидуална анализа и едукација како да ги намалите вишокот наталожени масти без да гладувате.

Биохемиските реакции што ги има нашиот организам кон храната се запишани во нашите гени во текот на еволуцијата, станува збор за три-четириесет милиони години, и тешко дека нешто ќе ги промени во блиската иднина. 

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Одберете ја вистинската програма за трајно слабеење

Кога нашите далечни предци, би имале скали или лифт во пештерите каде што живееле, сигурно би го користеле лифтот. И ако им дадевме пица, газирани сокови и грицки, убеден сум дека ќе ги јадеа наместо да одат во лов или да собираат плодови.

Физичката неактивност и лошата исхрана се најважните фактори кои придонесуваат за епидемијата на зголемена телесна тежина во светот. Зголемената телесна тежина пак, е еден од клучните фактори при развојот на дијабетес и кардиоваскуларни заболувања, кои понатаму водат кон уште пострашни заболувања, меѓу кои и канцерогените.

Разните диети што сте ги пробале до сега, ви помогнале да ја намалите телесната тежина на краток рок, но гледано долгорочно, килограмите пак се вратиле. Постои голема разлика од губење на вишок килограми и губењето на вишокот масти во телото.

Затоа ја направивме Програмата “Твојата храна, твое здравје” (или скратено “ТХТЗ”), базирана на долгогодишно искуство и научни истражувања. ТХТЗ програмата ќе ви овозможи без гладување како во диетите, без напорно вежбање како во фитнес програмите, туку со индивидуален пристап, анализа и едукација да ја вратиме енергијата, да го забрзаме метаболизмот и да го изгубиме вишокот на наталожените масти во организмот. За бесплатна консултација пријавете се тука:

Тel., Viber, WhatsApp: 
+ 389 71 307703
email: thtz.info@gmail.com

Мастите – нашите ангели и демони (2.дел)

Лептинот доаѓа од нашето масно ткиво, поминува низ крвотокот и се прилепува кон многу селективни и специфични рецептори во мозокот, и тие вклучуваат една цела шема на активности во мозокот.

И така, нашата масна клетка од една досадна и неактивна клетка во светот, стана интелигентен член на невро ендокринилошкото информативно друштво.

Масното ткиво е орган, прави работи,  комуницира со мускулите, комуницира со мозокот и им овозможува на сите други ткива да ја знаат состојбата на енергетските залихи во нашето тело, сигнализира дали треба да го намалиме апетитот или треба да го зголемиме.

Лептинот функционира такашто ако складираните масти паднат под одредена количина, праќа “аларм” – сигнал во мозокот и одеднаш се донесуваат рестрикции (како Влада во корона криза), се исклучува репродукцијата, се исклучува сексуалниот нагон, односно еден огромен опсег на хормонални промени поради “аларм”-сигналот дека сме на пат да огладнеме до смрт.

Ако жените премногу ослабнат, без разлика дали од анорексија или од претренираност, престануваат да овулираат, што е функција на масното ткиво. Ткивата комуницираат помеѓу себе и координирано  функционираат, така што не е само мозокот, не е само масното ткиво, не се само мускулите. Масното ткиво комуницира со мозокот, мозокот со хранењето влијае на хормонското ниво и така целото нешто е една навистина комплексно испреплетена мрежа што му овозможува на телото да ги извршува функциите, без работите да излезат надвор од контрола.

Тоа е важно за сите животни, но луѓето се особено прилагодени да бидат дебели, дури и мршавите луѓе, кои имаат многу мал процент на масти, се екстремно дебели во споредба со повеќето примати.

Мозокот е голем потрошувач на енгергија

Еве уште една можност да се вратиме на еволуцијата и да ги побараме одговорите зошто се случиле нештата. Просечен примат има 5 до 8 % масно ткиво, додека кај човекот ловец – собирач, просечната жена би имала 15 до 20%, мажите 10 до 15 %, и ова не е случајно. Познато е дека луѓето имаат големи мозоци, нашиот мозок е околу четири пати поголем од мозокот на шимпанзото. Мозоците се многу вредни, дури и кога спиеме мозокот бара огромна количина на енергија за да функционира.

Tрошиме околу 20 до 25% од нашиот базален метаболизам за мозокот, сите мозочни клетки бараат, невротрансмитерите мора постојано да се регенерираат, пренесувањето на електричниот потенцијал до секоја клетка, секој аксон во мозокот бара многу енергија, што значи дека ако сме во состојба на негативен енергетски биланс, односно, ако немаме внесено онолку енергија колку што ни’ е потребна, тогаш мора да се обезбеди од веќе складираната, и погодивте, потекнува од мастите. Ако не го снабдиме нашиот мозок со потребната енергија ќе настапи смрт.

Ако шеќерот во крвта падне барем еднаш, веднаш би имале влошување на нашата когнитивна функција, слично на некој што испил половина шише ракија (од големите шишиња). На пример, ако ова би му се случило на нашиот далечен роднина, човекот ловец-собирач, значи дека би бил добар оброк на некој месојаден ѕвер од тоа време.

Дијабетес тип 2

Да не дојде до забуна и да ги помешаме мастите што се есенцијални, важни, здрави и неопходни хранливи материи, со заболувањата кои потекнуваат од премногу наталожени масти. Не постојат докази за дијабетес тип 2 кај нашиот роднина од пештерите, човекот ловец-собирач (барем јас не сум сретнал во литературата до сега), додека денес е една од најбрзорастечките болести во светот.

Се наоѓаме среде светска епидемија, и не само во западниот индустриски свет, многу луѓе не сфаќаат дека тој тип 2 дијабетес е надвор од контрола и кај некои од растечките економии, особено Индија и Кина имаат ужасна епидемија на дијабетес тип 2.

Причината што расте е што сега имаме пристап до огромна количина на енергија затоа што за прв пат во милиони години ги создадовме овие бизарни услови во кои можеме да бидеме во позитивен енергетски биланс кога сакаме.

Да го оставиме дијабетесот на страна, ќе напишам текст и за него, ние да се навратиме повторно до нашите предци, човекот од пештерата, ловецот-собирач. Тој се борел да остане во енергетска рамнотежа. Никогаш не добиле шанса да станат дебели затоа што тие трошеле голема количина на енергија во ловот и собирањето плодови, тие навистина никогаш не добиле можност да се здебелат.

Можностите доаѓаат

Можностите и шансите почнале да настануваат со “откривањето” на земјоделството, кога почна да се произведува повеќе храна од потребното. Со развојот на земјоделството почна и зголемувањето на популацијата.

Следниот вид огромна трансформација беше индустриската револуција. Пронајдовме начини за механизирање на производство на храна и во исто време ние ја заменивме работата на луѓето и животните со работата со машини.  

Ова веќе ви е познато, автомобили, компјутери, телевизори, автоматизација во производство, многу малку останаа да бидат фармери, ние еволуиравме како животни кои почнале да ловат и да собираат, да мигрираат, и одеднаш станавме физички неактивни што нè оддалечи од нашата природна состојба на здравје.

Само последните 50 години се со промени во индустриско производство на храна, замрзнување,пакување. Денешниот просечен човек може да си дозволи доволно храна и да стане дебел без воопшто да мора да потроши енергија.

Просечниот човек денес троши и до 50 кг шеќер годишно, додека нашите предци, ловци-собирачи, се мачеле да добијат килограм на година. Нашиот метаболизам генетски не е многу променет од тогаш, не е доволно адаптиран да ја процесира денешната годишна потрошувачка на шеќер.

Тивко хронично воспаление

Една голема работа што се случува кај дебелината е што добивате ниско ниво на хронично воспаление или тивко хронично воспаление – телото реагира на дебелината на сличен начин како при инфекција и слободно можеме дебелината да ја наречеме тивковоспалителна болест. Многу од компонентите на воспалителниот одговор се вмешани со инсулинската сигнализација.

Оваа состојба на хронично тивко воспаление е многу опасна затоа што организмот не ни’ дава никакви сигнали дека постои и со самото тоа може да трае со години, нанесувајќи голема штета на здравјето и развој на хронични заболувања. 

Точно е и дека во дебелината, складираната енергија станува значително поголема од капацитетот со кој масните клетки можат да се справат, и така се случува нешто слично на излевање (како во кујната, кога ќе се затне мијалникот и целата вода е на плочките на подот, па и накај комшиите под нас).

Најбезбедно место за складирање на масти во организмот е масната клетка. Масното ткиво е “професионално” ткиво за складирање на масти, другите ткива се “аматери” и како и сите други аматери, ќе ја зафркнат работата кога ќе пробат да решат работи за кои не се створени да решаваат.

Значи проблемот настанува тогаш кога ќе дојдеме до лимитот на нашиот капацитет за безбедно складирање на масти, по што ќе започне “прелевањето во кујната“. Мора да оди на друго место ако не може во масната клетка и има тенденција да влезе во срцевиот мускул, панкреасот, и другите органи, и да направи хаос. 

Секој вишок на енергија, без врска дали доаѓа од шеќерите (ј.хидрати), протеините или мастите во исхраната, на крајот се складира во масното ткиво. Масното ткиво има ограничен капацитет, додека денес имаме неограничен пристап до храна во секое време. Како резултат на ова се разболуваме.

Мастите – нашите ангели и демони (1.дел)

Во последните години се изгради култ на демонизирање на мастите. За жал, или за среќа, науката одамна докажа дека без масти, луѓето не би биле тоа што сме, без масти би биле мртви, и дека мастите се живот.

Мршавоста обично ја поврзуваме со здравјето, начинот на кој го гледаме степенот на релативната дебелина и мршавост е под влијание на “модерните” социолошки тенденции, од социјалните мрежи, телевизија и останатите средства за информирање, било електронски или не.

Ако погледнеме назад низ вековите, на пример, како барокните уметници ја претставиле женската убавина во нивните слики, крупна, полничка во споредба со денешната убавина на жената од модните писти. Разликите можеме да ги видиме и ако погледнеме во различни географски региони и различни култури.

Масното ткиво во нашето тело не постои за да ни биде непријатно кога се гледаме во огледало или, како што денес се случува, да не вознемирува. Масното ткиво постои како составен дел од нашето тело, со многу битна функција.

Храната ја консумираме за да добиеме енергија потребна за нашиот живот. Енергијата е во форма на хемиски врски кои ги согоруваме веднаш или ги складираме, еден константен процес на движење на енергијата внатре или надвор. Кога јадеме, внесуваме енергија и сме во позитивен енергетски биланс, за разлика од кога спиеме, не внесуваме енергија а трошиме за да ги одржиме животните функции на нашиот организам.

Човечкиот организам има различни “трикови” како да остане сигурен дека никогаш нема да остане без енергија, но главниот е зачувувањето на енергијата во облик на масти.

Масното ткиво е доста сложено, но неговата примарна цел е да ги има резиденцијалните клетки наречени адипоцити или масни клетки, чија основна функција е да бидат местото каде што ќе го складираме мастите. 

Масната клетка е единствената клетка во организмот чиј волумен може 99% да се пополни со една единствена капка од триглецириди. Триглицеридот е хемиска форма и начин на кој ги складираме мастите. Составен е од глицерол со три синџири на масни киселини кои се одвојуваат од него и нашето тело е способно тие синџири да ги расцепка и малку по малку да ги “изгори”, такашто малку масти создаваат огромни количини на енергија. (Мастите навистина горат, пробајте да исечете масно парче од кременадлата што ја подготвувате за ручек, запелето го и ќе видите дека гори.)

Ако ги ослободиме мастите во нашето тело со горење, ќе се генерира огромна количина на топлинска енергија со која сигурно ќе предизвикаме голема штета со фатални последици. 

Нашето тело научило да ја извлекува енергијата полека за да не предизвика оштетувања, со извлекување на по два јагленородни атоми кои ги уфрла во Кребсовиот циклус. Водејќи низ серија на хемиски реакции, се овозможува енергијата да излегува во мали дози на начин на којшто може да биде употребена. Впрочем, слично на горењето – започнува со парче маст а завршува со ослободената енергија, јагленороден диоксид и вода.

Сфаќањето дека мастите се местото каде го ставаме вишокот калории и долгогодишното сфаќањето на биохемијата за тоа, е на некој начин и малку здодевно, дека масните клетки не се баш многу интелигентни клетки, дека не се воопшто акитвни и дека не прават ништо паметно освен складирање на некои нешта за “зимница”.

Но нештата се сменија пред 25 години, кога е откриен генот со кој се формираат масните клетки и кога е идентифициран лептинот, хормонот кој го произведуваат масните клетки со кој комуницираат со мозокот. Овие откритија побудија голем научен интерес и започнаа многу истражувања.

Наскоро 2.дел…

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Модерниот свет во кој живееме

Денес, повеќето од нас се дебели – две третини од возрасните се со прекумерна тежина или дебели, а така се и една четвртина од нашите деца.

Задушувачката маса на маснотии во нашите тела, посебно околу нашите органи, го уништуваат нашето здравје и ги скратуваат нашите животи.

Прекумерната телесна маса и дебелината директно влијаат на развојот на срцеви заболувања и дијабетес тип 2, додека стапките на мозочни удари и канцери рапидно се зголемуваат.

Ова не е наградата за нашата мрзливост и алчност, ова е производ на модерниот животен стил што ни’ избега од контрола, постојано брзаме некаде, грицките во рака, крцкави хамбургери за ручек пред компјутер или убаво спакувани инстант оброци за пред телевизор.

Прехамбената индустрија агресивно рекламира инстант оброци, газирани пијалоци и разни грицкалици преполнети со вештачки шеќери и масти, убедувајќи не’ дека ги заслужуваме тие задоволства.

И еве веќе сме во фаза кога диетите не помагаат, можете да ги симнете килограмите за 12 недели, но пак се враќаат. Веќе сме вградиле отпор за гладување и нашите тела складираат масти кога прегладнуваат.

Не можеме сами да се бориме против ова зло, треба да се едуцираме себеси и нашите деца за вистинската храна а властите ќе треба да дејствуваат со дополнителни даноци и ограничувања на промоцијата на таквата храна и пијалоци.

Не можеме да ги натераме властите да ги превземат потребните мерки, но за да ние ви помогнеме ја направивме за вас програмата “Твојата храна, твое здравје” (или скратено “ТХТЗ”).

ТХТЗ програмата е базирана на долгогодишно искуство и научни истражувања. ТХТЗ програмата ќе ви овозможи без гладување како во диетите, без напорно вежбање како во фитнес програмите, туку со индивидуален пристап, анализа и едукација да ја вратиме енергијата, да го забрзаме метаболизмот и да го изгубиме вишокот на наталожените масти во организмот. За бесплатна консултација пријавете се тука:

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com

Зошто е потребна физичка активност?

Ние спомнавме на почетокот дека ТХТЗ не е фитнес план и дека нема напорни тренинзи, но физичката активност е потребна за нормално функционирање на нашето тело и како таква е составен дел од ТХТЗ програмата. За да не дојде до забуна, еве како Светската здравствена организација (СЗО) ги разграничува термините „физичка активност” и „вежбање”:

СЗО ја дефинира физичката активност како било кое телесно движење произведено од скелетните мускули што бара потрошувачка на енергија – вклучително и активности преземени при работа, играње, работи во домаќинството, патувања и рекреација.

Терминот „физичка активност“ не треба да се меша со „вежбање“, што е поткатегорија на физичката активност, која е планирана, структуирана, повторувачка и има за цел подобрување или одржување на една или повеќе компоненти на физичката кондиција. 

Надвор од вежбањето, секоја физичка активност што се врши за време на слободното време, за да се стигне од едно до друго место, или како дел од работата на една личност, има здравствена корист. Понатаму, и физичката активност со умерен и физичката активност со висок интензитет го подобруваат здравјето.

Закажете бесплатна консултација

Тel., Viber, WhatsApp: 
+ 389 71 307703
email: thtz.info@gmail.com